 មជ្ឍមណ្ឌល ប៊ុណ្ណា ប៊ីស្សនេស សេនធ័រ បានរៀបចំពិធីសម្ភោធ និងធ្វីខួបគំរប់១០ឆ្នាំ របស់ ក្រុមហ៊ុន ប៊ុណ្ណា រៀលធី គ្រុប កាលពីថ្ងៃទី ០៩ ខែ កញ្ញា ឆ្នាំ២០០៩ ដោយ បាននិមន្ដព្រះសង្ឃសូត្រមន្ដ និង រៀបចំពិធីក្រុងពាលីផងដែរ។ ក្នុងកិច្ចសំភាសន៍ដាច់ដោយឡែកមួយជាមួយលោក ស៊ឹង ប៊ុណ្ណា អគ្គនាយកមជ្ឍមណ្ឌល ប៊ុណ្ណា ប៊ីហ្សនេស សេនធ័រនិង ជាអគ្គនាយកក្រុមហ៊ុន ប៊ុណ្ណា រៀលធី គ្រុបនោះបានអោយដឹងថានៅក្នុងពិធីសម្ភោធនិងការធ្វើខួបគំរប់១០ឆ្នាំរបស់ក្រុមហ៊ុន នៅពេលនេះ លោកបានប្រមូលកុមារកំព្រាចំនួន២៩៩នាក់មកពីបណ្ដាលខេត្ដក្រុងចំនួន ៧ ដើម្បីមកចូលរួលផងដែរដើម្បីចែកអំណោយដល់ពួកគេ ពីព្រោះពួកគេសុទ្ធតែជាកុមារក្រីក្ររស់នៅជនបទ ។ម្យ៉ាងទៀតក៏ដើម្បីអោយពួកគេមានឱកាសបានទទួលការសប្បាយរីករាយ និង ការទទួលទានអាហារឆ្ងាញ់ៗ នៅក្នុងតាមបែបព្រះពុទ្ធសាសនារួមគ្នា។ មូលហេតុដែលនាំអោយលោកយកកុមារកំព្រាយ៉ាងច្រើនមកចូលរួមនៅក្នុងពិធីសម្ភោធនេះគឺមកពីរូបលោកក៏មានអតីតភាពជាកុមារកំព្រាដែរ ដូចនេះនៅក្នុងឱកាសសម្ភោធនេះលោកនាំយកកុមារកំព្រាទាំងនោះដើរទស្សកិច្ចនៅក្នុងរាជធានីភ្នំពេញ ពីព្រោះពួកគេកំរមិនមានឱកាសមកដល់ភ្នំពេញណាស់ ។
 លោក ស៊ឹង ប៊ុណ្ណា បានបញ្ជាក់ថាក្នុងពិធីសម្ភោធក្រុមហ៊ុន មជ្ឍមណ្ឌលនានាគេតែអញ្ជើញអ្នកដឹកនាំអោយចូលរួម តែលោកគិតថា ថ្នាក់ដឹកនាំលោកមានឱកាសច្រើនហើយ ដូច្នេះហើយទើបលោក ផ្ដល់ឱកាសអោយកុមារកំព្រាវិញដែលពួកគេមកពីបណ្ដាខេត្ដនានាដូចជា ព្រៃវែង ស្វាយរៀងកំពត កណ្ដាល កំពង់ស្ពឺ កំពង់ចាម និងរាជធានីភ្នំពេញ។ លោក ស៊ឹង ប៊ុណ្ណា បញ្ជាក់ថាមជ្ឍមណ្ឌល ប៊ុណ្ណា ប៊ីហ្សនេស សេនធ័រគឺជាផ្សារសំរាប់លក់ទំនិញគ្រប់មុខដែលមានលក់សំលៀកបំពាក់ស្ដ្រី បុរស ក្មេង ចាស់ មានទាំងស្បែកជើង សំលៀកបំពាក់កីឡា គ្រឿងសំអាង ថែរក្សាសំរស់ ដោយលោកបានបោះទុនវិនិយោគអស់ទឹកប្រាក់ប្រហែលកន្លះលានដុល្លារហើយលោកគិតថាបើសិនជាពាណិជ្ជកម្មរបស់លោកមានដំណើរការល្អនិង ជោគជ័យ លោកនិងបន្ដពង្រឹងសាខាបន្ថែមទៀត ។
ប្រវត្ដិរបស់ក្រុមហ៊ុន ប៊ុណ្ណា រៀលធីគ្រុប បើគិតមកដល់ថ្ងៃទី០៩ ខែ កញ្ញា ឆ្នាំ២០០៩ នេះក្រុមហ៊ុនប៊ុណ្ណារៀលធី គ្រុបមានអាយុកាល១០ឆ្នាំស្មើរនិងមួយទស្សវត្សន៍ដែលមានន័យថាក្រុមបង្កើតនៅឆ្នាំ១៩៩៩ ។ចាប់តាំងពីឆ្នាំដំបូង នៃការកកើត ក្រុមហ៊ុន បង្ដើតឡើងដោយមានតែ ការិយាល័យតូចមួយជាមួយនឹងបុគ្គលិកបំរើការងារ ២-៣នាក់ ហើយសំភារះប្រើប្រាស់ចាស់ៗ និង ម៉ូតូចាស់មួយជាមួយ ទឹកប្រាក់ចំនួន ៨០ ដុល្លារអាមេរិច ។ លោកនាយក ប៊ុណ្ណា បានបន្ថែមថាបើប្រៀបមកដល់បច្ចុប្បន្ននេះគឺខុសឆ្ងាយណាស់ រហូតដល់លោកមិនហានរំពឹងទុកថាបានដូចសព្វថ្ងៃនេះទេ។ ក្រុមហ៊ុនក៏ធ្លាប់រងនៅព្យុះភ្លៀងរាប់មិនអស់ ដែរប៉ុន្ដែដោយការឧស្សាហ៍ព្យាយាម និងការពុះពាររបស់លោកទើបធ្វើអោយក្រុមហ៊ុន មានការអភិវឌ្ឍន៍បានដូចសព្វថ្ងៃ។
ការបង្កើតឡើងនៃមជ្ឍមណ្ឌល ប៊ុណ្ណា ប៊ីហ្សនេស សេនធ័រ មជ្ឍមណ្ឌល ប៊ុណ្ណា ប៊ីហ្សនេស សេនធ័រត្រូវបានបង្កើតនៅក្នុងឆ្នាំ២០០៩ និង បើកនឹងបើកសម្ភោធលក់ជាផ្លូវការ នៅថ្ងៃទី០៩ ខែកញ្ញា ឆ្នាំ២០០៩ ។ ដើម្បីឆ្លើយតបនិងការអភិវឌ្ឍន៍និង សម័យទំនើបបច្ចុប្បន្ន មជ្ឍមណ្ឌល ប៊ុណ្ណា ប៊ីហ្សនេស សេនធ័រត្រូវបានបង្កើតឡើងដោយដើមទុនវិនិយោគរបស់លោក ស៊ឹង ប៊ុណ្ណា ផ្ទាល់ចំណាយទឹកប្រាក់អស់ប្រហែលកន្លះលានដុល្លារ ។ មជ្ឍមណ្ឌល ប៊ុណ្ណា ប៊ីហ្សនេស សេនធ័រមានប្រមូលផ្ដុំទៅដោយសំលៀកបំពាក់បុរសនារីគ្រប់ប្រភេទ ថែ
រក្សា លក់គ្រឿងសំអាងកាយ មានសំអាងការ លក់សំលៀកបំពាក់ហែលទឹកគ្រប់វ័យ កាបូបបុរសនារីទាន់សម័យ គ្រឿងតុបតែងគេហដ្ឋាន សំលៀកបំពាក់ក្មេង ថតរូប ភោជនីយដ្ឋាន និង ហាងកាហ្វេ។ជាមួយគ្នានោះលោកអគ្គនាយក បានសំដែងនូវសុទិដ្ឋិនិយមថា បើសិនជាមជ្ឍមណ្ឌលនេះមានដំណើរការល្អ និង នៅបោះទុនវិនិយោគបើកសាខាបន្ថែមទៀត ។
លោក ស៊ឹង ប៊ុណ្ណា ថ្លែងសករកថា ផ្ដល់អនុសាសន៍ដល់កុមារកំព្រា ក្នុងពិធីដ៏ឧឡារារិកនោះលោក អគ្គនាយកបានថ្លែងសុករាកថាជាអនុសាសន៍រៀបរាប់អំពីជីវិតដ៏សែនល្វីងជូរចត់ ក្នុងភាពជាកុមារកំព្រារបស់លោកជាមួយនិឹងការខិតខំប្រឹងតស៊ូតាំងពីការងារជាអ្នកលាងចាន រហូតដល់បានជោគជ័យដូចសព្វថ្ងៃដែលលោកមានក្រុមហ៊ុន នឹង សាខាជាច្រើនកន្លែង ជាមួយនេះលោកបានមានប្រសាសន៍ដែរថាធ្វើជាក្មេងល្អត្រូវស្មោះត្រង់ ត្រូវមានចិត្ដតស៊ូ ប្រឹងប្រែងធ្វើការងារកុំទំនេរដៃ “បើចង់ធ្វើក្មេងល្អ ត្រូវស្មោះត្រង់ វគេងពីល្បែងអបាយមុខដូចជាស្រា ល្បែង កុំសប្បាយ និងគ្រឿងញៀន ត្រូវខិតខំធ្វើការកុំទំនេរដៃ ត្រូវធ្វើជានិច្ច ត្រូវធ្វើរហូត គឺជាកត្ដាដែលធ្វើអោយយើងទទួលបានជោគជ័យ ។ កុមារដែលនៅជនបទអាចដាំដំណាំដាំដុះ ចិញ្ចឹមសត្វជ្រូកមាន់ ទា -ល- លោកក៏បានបន្ថែមថា "ភាពមិនស្មោះត្រង់ជាការបំផ្លាញខ្លួនឯង" នោះមានន័យថាបើមិនមានភាពស្មោះត្រង់ទេ វាអាចបំផ្លាញអនាគតយើងហើយយើងនិងមិនអាចក្លាយខ្លួនជាកុមារល្អបានឡើយ ។ ការបង្កើតកម្មវិធីកំសាន្ដសប្បាយសំរាប់បុគ្គលិក នៅក្នុងការបញ្ចប់នៃការសម្ភោធនេះនៅពេលរាត្រីក៏មានការជប់លៀងជូនដល់បុគ្គលិករបស់ក្រុមហ៊ុន ទាំង ៩៩ នាក់ ភ្ញៀវកិត្ដិយស និង ញ្ញាតិមិត្ដផងដែរដោយមានការរាំកំសាន្ដយ៉ាងសប្បាយនិងមាន ការកាត់នំខួប១០ឆ្នាំរបស់ក្រុមហ៊ុន។នេះក៏បានបញ្ជាក់អំពីទឹកចិត្ដស្រលាញ់ អាណិត និងការយកចិិត្ដទុកដាក់ពីសំណាក់លោកអគ្គនាយកប្រកដដោយព្រហ្មវិហារធម៌ ដល់បុគ្គិលិកក្រោមបង្គាប់ឱវាទផងដែរ។
កម្មវិធីបានបញ្ចប់ប្រកដដោយភាពរីករាយ មិត្ដភាព និងការចង់ចាំមិនភ្លេចនៅថ្ងៃនៃប្រវត្ដិសាស្ដ្រនៃខួបគំរប់១០នៃក្រុមហ៊ុន ប៊ុណ្ណា រៀលធី គ្រុប និង ការបើកសម្ភោធមជ្ឍមណ្ឌល ប៊ុណ្ណា ប៊ីហ្សនេហ សេនធ័រ នៅថ្ងៃទី ០៩ ខែ ០៩ ឆ្នាំ២០០៩ ជាប្រវត្ដិសាស្ដ្រនៃក្រុមហ៊ុន ។
|
